Home – Papiaments

Tim di yudansa benefisio kèch di mucha 010 (Hulpteam toeslagen 010) ta asisití persona perhudiká.

Tres mil famia na Rotterdam a hanja nan mes den problema pa motibu ku Servisio di Impuesto de repente a eksigí e benefisio kèch di mucha (kinderopvangtoeslag) bèk. Ta pesei ombudsman di munisipio ta traha huntu ku munisipio di Rotterdam den Hulpteam Toeslagen 010.

Dor ku mester a paga e benefisio aki bèk inhustamente hopi di e famianan aki tin preokupashon finansiero grandi, debe halto i hopi strès. Hopi hende a wordu tratá manera ta fraude nan a kometé. Esei ta inhusto. E situashon aki a afektá tanto mayónan komo nan yiunan.

A tarda añanan largo prome ku Servisio di Impuesto a atmití su fayonan. Anto te ainda no a drecha nan. Ta tardando hopi. Muchu largo pa e 3.000 famianan aki. Nan mester di ayudo mas pronto ku ta posibel.

Ta p’esei e tim Hulpteam Toeslagen 010 tei. Den e tim, ombudsman di munisipio ta traha huntu ku munisipio di Rotterdam pa yuda e famianan aki awor mes. Ombudsman kier pa hende tuma kontakto pa por mira kiko mester hasi. Despues di esei munisipio lo ofresé asistensia. Asistensia ku reglamento di debe, asistensia ku stress i asistensia pa ku e muchanan. Anto ombudsman lo kontrolá si e yudansa ta bai bon. Pa tur hende por tin un mihó futuro atrobe.

Abo ta un persona perhudiká? Bo no ta bo so. Hopi hende ta sinti bergwensa, pero esei no tin mester. Buska yudansa. Yama e tim Hulpteam Toeslagen 010 riba number 0800 2345 888. E number ta gratis. E yudansa ku Hulpteam ta ofresé tambe ta gratis.

Bo kier kontakto?
Yama e tim Hulpteam Toeslagen 010 riba 0800 2345 888 òf bishitá e website htt010.nl. Tambe por manda un email pa info@htt010.nl.

Otro opshon naturalmente ta pa yama ombudsman di munisipio riba 010 4111 600.

Ta difisil pa konta bo storia na Hulandes? Puntra un hende den famia òf un amigo/amiga pa yuda bo.